Монгол улсын нэг аймгийн, нэг сумын, нэг багаас төрсөн гурван аварга, улс, аймгийн бүх цолтон энэ л гайхамшигтай, уужран цэлийх цэнхэр тал, урсан мяралзах Уялган гол, униар татсан Суврага хайрхантай холбоотой юм. Суврага хайрханыг дээрээс нь харахад Монгол бөхийн жанжин малгайтай адил, ойр хавийн уул нурууд нь дөрвөн хүчтэний дүрс бүхий, ургамал ногоо тэгширсэн нүд сэргээж, сэтгэл баясгасан газрын диваажин гэлтэй.